Biay-biay sa Kinabuhe

Biay-biay sa Kinabuhe

08/09/2012

Anus-a pa man?

Sa unsang paagi
nga magaan o basin pa man
mahaw'ang kining akong gipas-an?

Nagmatud-anon man unta!

Mao ba kini ang tamparos
sa akong pagpangga, pinangga: 

Dughan ko imo lang gidulaan;

Anak mo imo lang gipasagdan;

Kaugalingon mo mao’y naghari

sa kalibutan mo’ng wa’y pagbati?

Twitter, Facebook ug

unsa pa nga social network,

didto mo gitugyan ang tanan.

Gisangyaw mo ang ka-hawud

sa katungpagon mo'ng ginghari-an -

diin kanimo nag-sud'ong

ang paghinuktok sa kapikas

mo'ng nawad-an na ug pagsalig

sa imong gahum ug kusog

hinungdan sa imong mga tikas

nga kasikas nga sa imong anak,-

baliwala ug lumalabay lang.

Apan sa hunahuna, magapabilin

ang tunob nga siguro hingpit kini

nga masab'tan ngadto sa kadugayan
(wa kay nada nga pagka-amahan!)



Dili ‘ko tuyo, apan mao man
kini ang imong gipangayo:

sa mga kasakit nga imong gigasa;

sa mga pangandoy ta’ng nahagba;

sa mga tinuod mo’ng bakak;

sa mga Yawan-on mo’ng bahakhak;
haw'ason ko na ikaw!

sa panumdoman ko’ng naglatagaw,

sa kasing-kasing ko’ng nagdumili,
ug ngadto sa halawod ko ikaw ibuga
- kining nagdilaab ko'ng pagbati!

Copyright © 2012 by Nhejzheen

Pinagmasdan Ko si Iking

Pinagmasdan Ko si Iking

August 21, 2012

Saan kaya ang punta?
Ano kaya ang sadya?

Mukha niya’y kaka-iba:

Malalim ang paningin;
Tumingala 'lagi sa langit;

Naglalakad ng pa-atras,

Paikot-ikot sa kanto,

Para ba siya'ng nalilito.

Hindi kaya siya'y baliw?- 

Umiiyak at tumatawa;

Kinakausap ang hangin,

Hindi naman pinapansin.

Awiting kay dati inaawit

Na wala namang lirikong
Mabanggit o kaya melodiya

Na masutsot - kahit saglit.

Hanggang ngayon...

Pinagmasdan ko si Iking.



Copyright © 2012 by Nhejzheen

Dula sa mga Luha

Dula sa Mga Luha

08/09/2012

Anaa’y luha sa ka-sakit,

Anaa’y luha sa ka-katol,

Anaa’y luha sa ka-lami,

Anaa’y luha sa ka-init,

Anaa’y luha sa ka-tugnaw,

Anaa’y luha sa ka-pait,

Anaa’y luha sa ka-isog,

Anaa’y luha sa katam-is,

Anaa’y luha sa kasakit,

Anaa’y luha sa kalipay,

Anaa’y luha sa kahadlok…

Klase-klase’ng mga luha,

Managlahi nga pagbati

Sa nagkadiin-di’ng dapit

Sa nagkadaiyang kinab’he.

Apan kasagarang luha

Nagsumikad sa utlanan, - 

Motulo’g magadagayday,

mopadulong sa ganghaan

sa kasubo'ng mahinulsulon.

Copyright © 2012 by Nhejzheen

Bugtong Paagi

Bugtong Paagi

August 02, 2012

Makapahagikhik kanako

‘Ning mga pulong sa gugma.

Botbot nga susama niini:

“Kab-oton ko ang bulan

Ug mga kabitoonan,

Ug igasa ko kanimo, ‘day.”

Dili ba kaha kasakit

Ug kangitngit mao’y idalit?

Halok didto, suntok ngari.

Kung buot hunahunaon -

Sumbingay’ng balaknon,

Apan, hag-as ba?

Daw susama sa pag-inum sa baso

Diin kawad-on mao’y sulod;

Kansang baso ang panudlanan, 

Ug dangpanan sa kasubo, maunlod.

Kapila ko pakli-pakli-a,

Basahon kalabot sa gugma.

Apan kawang lang,

Oras ko’ng may kinutuban,

Sa dili madugay,

Mga luha ko’ng nagadagayday,

Lawas ko mabanlas,

Ug mapapas niining kalibutana.

Busa, Dodong…

Unsa pa ma’y gipaabot?

Saka ka na kikilos kung

Kailan huli na ang lahat?

Kung gugma mo tunhay:

Isugilon, ipabati, ug ipakita.

Dasmag! Bahala pa’g madam-ag.

Wala’y kahadlok. Padayon!

Kab-ota kining mga palad ko,
Biraha, pislita, hapuhapa, hagki...

Hangtod sa maangkon mo kining kalag ko.

Copyright © 2012 by Nhejzheen

Sa Mga Buta nga Nakakita

Sa mga Buta nga Nakakita

08/09/2012

Katloan kadto sa Hunyo,

adlaw nga Lunes,

ting-bayad sa buhis:

nag-kurbada ang linya;

nagpangulitog ang kabanha;

sa mga pagpangduot,

dagway nagkulismaot. 

(Nagkadaiyang tuyo

Sa mga lumulupyo.)

Niduol ang Mayor.

Gakadako lang ang tiyan;

baba puro ngipon,

dila nga nagtakuban:

mga bakak gipangbatbat,

sa nakadungog - mga wa’y dunggan.

Unsa ba ‘ning tawhana!

Sayod nga lisod si Nanay,

sa hinay-hinay, gilukmay.

Tuo pod intawon ang tigulang.

Sa mga buta nga nakakita

(Ni-abot ang pulis,

nawong ug bangis,

kamot nagkitoykitoy

sa bulsa n’yang kutoy;

nagngisiha, nakighinabi.

Ni bisan isa man lang

wala’y dila nga nitug-an,

nilabtik sa nasaksihan

maski saksi ang kadaghanan.)

pakaaron-ingnon sila: nga estatuwa.

Copyright © 2012 by Nhejzheen

Addicted To You, I am

Addicted To You, I am

2007

Addicted to you, I am.

You are like shabu my Sam.

You’re eating my brain, my heart...

Living into this dungeon

Of love and pain, which remains.


Copyright © 2012 by Nhejzheen

Isugilon Ko

Isugilon Ko

June 11, 2012

Anaa’y sekreto.

Ayaw 'ko dudahi

Kay dili 'ni ako.

Saba, ayaw gayud!

Molugsot kang kinsang

Kalimotaw kini

Magusbat sa hangtud!

Baton ko’g higala:

Ang dila niya pula,

Taas ug talinis,

Motusok sa dughan,

Kasingkasing lumsan

Sa dugong mapula,
Pughaw, ug nagsumpay'ng

Puti'ng triyanggulo:
Kinaubsan mao
Ang iyang tinubdan. 

Kini’ng higala ko,

Mata n'ya Langitnon,

Nindot, madanihon;

Sa totok, bulak na’y

Dahon, di' tunokon,

Malarag, mataktak

Sa da'n Kasaypanan

Paingon - (ug kini
g'yud paga-angkonon.)

Ug nasayod ka ba,

Kasingkasing itum,

Pula ug balangaw -

Humot kung mobirig:

Mopasakit s'ya, ug

Mopalipay-lipay

‘Sab sa kundatan nga

Ulagan nga suud,

Silingan ni Kuan,

Palahubo’g hubog!



Copyright © 2012 by Nhejzheen

Samtang Nagpaabot

Samtang Nagpaabot

August 14, 2012

Niini'ng payag ta’ng nipa ug kawayan,

sa luyo may nataran nga gipayongan

mo’g mga layang dahon ug mga bulak

--nga tunokon--nag-alirong ug nag-buswak

sa matahum nga baho'ng nangalimyon sa palibot.

Pagkaanindot niini’ng kagabhi-on

Nga nibatikos sa ato'ng kagahapon.

Sa dan-ag sa nagkalayo'ng panagdikit

Nihalok kandila'ng kabugnaw nikudlit;

Sa kahayag, totok sa bulan, tuyo mo’ng gipag’ngan.

Sa ‘kong pag-atobang, mata nasilawan

D’hang nipakita ka sa hangin niuban.

Wa man la’y pahibilin o panamilit;

Gihikaw mo kansang dughan ika’y langit.

Apan kung aninawon, kasingkasing mo naghilak.

Ngano nga dili mo man kini itugyan?

Pagbati mo’ng sa kasingkasing gihabak!

Sagdi lang, ikaw ra man pod ang matuk-an.

Sa gugma nga pulong imo nga gi-lad-ok;

Pagabalonon mo’s lubnganan nga ikaw nagkalot.

Copyright © 2013 by Nhejzheen

Mga Haiku Ko

 

Pabaskog

‪Tilap si Baki

‪Pagtugdon ni Tapuri

‪Hangtud gi-otot.

------------------------------------

Matuod nga Kapikas

Ikaw ang adlaw;

Ako'y bulak maghulat

Sa kainit mo.

------------------------------------

Pagtugyan

Ikaw ang adlaw,

Ako ang hayop; sa silaw

Moduko ako.

------------------------------------

Kaibog

Nagpadulong 'ko,

'Kaw nagpaingon ngari.

Ay! Piskot na 'ni!

------------------------------------

Pabuyag sa Relihiyosa

Nagsa-Yawa 'ko,

Na-Hesus-Maria-Hosep.

Ave Maria...

------------------------------------

Panag-away sa Managti-ayon

Sa Nasimhutang Dili Mao

Halok si mama

Pag-gakos ni papa Boy.

Nagkarambola.

------------------------------------

Pangluod sa Gugma

Gikamingawan,

Ug gikamuhi-an ka.

Subo ki'ng dughan.

------------------------------------

Pailad ba!

Ayaw patonto,

Binotbot 'ni! Pamati'g

Pabungol-bungol.

------------------------------------

Confession

Honestly, my dear~

Words of hate I have uttered,

I have lied to you.

------------------------------------

Pahinumdom

Hinigugma ko~

Don't! Stop! Don't! Stop! Don't!

(Wagtang pagbuka.)

------------------------------------

Kasingkasing Napikas

 Mata namad-an;

Nalumsan kining dughan

Sa pagbiya mo.

------------------------------

Out of Love

Promised words of love:

Vowed and written; remembered,

But half forgotten.

----------------------------------

Powerless

Great tasting coffee

Lost its hot stimulant kick.

Decaffeinated.

----------------------------------

Sold

"You look cute," he said;

"I am always cute," she said.

"We're in business!" 

------------------------------  

Wa'y Kabu-ot

Na'y pagka-chick pa,

Nagpatusik na pod s'ya.

Lola magtabyog?

Copyright © 2012 by Nhejzheen

Diabetes

Diabetes

August 5, 2012

 Daghan ug nagkadaghan, nagkadiin-diin
ang biktima niini'ng peligroso'ng sakita;
Managlahi'ng kahimtang, balatian ug mulo,
sa ka-sakit o ka-katol ang uban mag-agulo.

Isa na ako'ng uyu-an: pamilyado, babaero,
wala gayud karo'y masandigan nga trabaho;
kinamanghuran sa banay sa 'ko'ng amahan,
kansang inila niya'ng magulang nga si
Dodong Mang-aayo-- schizophrenic ug
sugar addict. Ug tungod sa wa'y pakabana,

ang tiil niya naputlan. Siya'y na-wangkig,
depressed, namaot, nagsangkiyod, natugsoy,
nahalap, gutom ug libog nga nipanaw.
Kirida n'yang bukog-panit lang, nabuta, ug
ang anak nila nga nahibilin, sa lai'ng bahin,
ang usisa sa doktor -- sakit nila... susama.

Bag-o lang, lain pod nga ako'ng nahisayran:
upat 'sab sa 'ko'ng suod nga hamtong higala! --
kini lagi'ng hilig sa soda, wala'y paugnat, ug
kaon-tuda sa kalan-o'ng ginama sa industriya.

Engkwentro'g panagbangi sa pagkao'ng
komersyal: sustansyado, makabusog, apan
kini'y kargado ug asukar, labot asin, ug
additives (kemikal), sinagulan 'sab ug edibol
----------------PASIDAAN!------------- 

Tawo'ng kublan madutlan; wala kini'y pili:
masuso, bata, tiguwang, babaye o lalake.
Kini'ng sakita kay sakit pang-lub'nganan,
nilibo-libo'ng salapi ang gikinahanglan.

Edukasyon bahin niini mao ang solbad aron
malikayan'g masanta ang kamatayo'ng hinanali.
Kung bati-on ang dili masabot nga kauhaw,
pagpangihi-ihi, kakapoy, pagpangatol-katol,

Sa panan-aw kay hanap-hanap o halap;
kanunay'ng gutom bisan mao pa'y pag-kaon;
ug kalit nga paghugo sa lawasno'ng timbang...
ampo nalang dayon sa imo'ng mananambal.


Copyright © 2012 by Nhejzheen

Tahap

Mga Pagtahap

08/15/2012

Sa mga tagoktok sa akong atop,

Sa mga hadyong sa imong tagpi,

Ug sa mga tagingting sa imong sapi,

Nabati ko ang nagsingabot nga bagyo.

Copyright © 2012 by Nhejzheen

Yamog ug Singot

Yamog ug Singot

08/09/2012

Ika'y yamog sa kabuntagon;

Ako'y singot sa kagabhi-on

nga

gipasu-an mo.

Copyright © 2012 by Nhejzheen

Our Little Putty Tat

Our Little Putty Tat

Composed by Nhejzheen and her son, Fritz
February 2012

Puffy cheeks,

Poofy one,

Fuzzy hair,

Cutie pie;

Emily

Is her name.

Pussy cat!

Copyright © 2012 by Nhejzheen

It's a very baby-like poem but my son and I did it together. We had fun writing it. 

Lantugi

Lantugi

08/09/2012

Sa limot ko na ikaw gilubong;

sa akong pagpanghupaw, ikaw pa gihapon.

Copyright © 2012 by Nhejzheen

Abi Ko Man

Illustration by my son, Fritz

Abi Ko Man

08/02/2012

Nagtagumbol ang dughan ko

pagkakita ko sa imong anino;

Paglingi ko, dili diay ikaw kato.

Copyright © 2012 by Nhejzheen

Gugma'ng Sayop

Gugma'ng Sayop
2007

Ikaw'g ako,
Adto didto;
Hawid-kamot;
Halok, gakos.

Ikaw, tan-aw;
Ako, ulaw;
Ambot ngano,
Hadlok, ako.

Ikaw, hangyo,
Balibad 'ko;
Hangtud, sugot;
Hubo, sapot.

Ikaw, suko!
Libog, ako;
Ako, buntis;
Hain ka, Jess?

Ikaw, langyaw;
B'yaan ako;
Ma ug Pa mo,
Sa 'ko, wa'y gusto.

Pagka-wa'y ayo!
Tulubagon mo,
Di' atobangon;
Pagkalooy ko.

Think for a moment to avoid a lifetime of regret. A few moments of pleasure are nothing compared to unending pain for you and others.

Copyright © 2012 by Nhejzheen



Unta ug Busa

Unta ug Busa
August 2007

Anaa unta’y hugpong ang managkaila; 
Anaa unta’y tagsa ka mga pamilya; 
Anaa unta’y pundok ang mga parente
Diin GUGMA mao'ng hingpit nga haligi. 

Anaa unta’y makanunayo'ng kahayag; 
Anaa unta'y paglaum tin-aw damlag; 
Anaa unta’y pagbati'ng matinud-anon
Sa kangitngit ug ma-dulom nga adlawon. 

Anaa unta’y kasadya ug kalipay; 
Anaa unta’y kalinaw ug kahapsay; 
Anaa unta’y kasuod ug kahi-usa, 
Sa nasud 'ta nga wala'y panaghi-usa. 

Busa, igsoon, managtimbayayong kita!
Ayohon nato ang guba ta’ng demokrasya!
Undangon pangorakot, pagka-dili matinud-anon; 
Pilipino'ng dubok-pamatasan ato nga baghoon.

Copyright © 2012 by Nhejzheen

Hangyo sa Usa ka Nilalang

Hangyo sa Usa ka Nilalang 
August 14, 2007 

Ngano man amahan ug inahan ko 
Mga paghilak ko pinasagdan man ninyo? 
Kagutom, kauhaw, ug pagpasagad, 
Ni'ng anak wa'y hibangkaagan, nag-agad. 

Kasaypanan ko, pagdapat ako'ng nahiaguman;
Pagtabang ko, kasaba ako nga natagamtaman;
Ug pagkatawo ko, wala'y inyo nga pagrespeto.
Unsa man nga matang kamo nga pagkatawo? 

Gipangandoy, ug gihangyo ko kamo: 
Ipabati ang gugma; ipakita ang kahayag;
Ug isaad kanako ang maayo nga paglaum 
Nga ugma damlag, kaugmaon nga hapsay 
Ako nga makab-ot ug makaplag. 

Ginikanan ko, nagasalig ako kaninyo;
Pagtudlo'g pagpangga gikinahanglan ko mismo.
Kamo ang gabayan niini'ng paglawig ko;
Palihug, giyahi intawon 'ko ninyo. 

Ako, bunga taliwala sa inyoha'ng gugma; 
Dili ko tuyo nga mo-butho niini'ng kalibutana; 
Pagplano unta inyo'ng gihunahuna'g gitagana; 
Tunhay'ng pag-alima, kasingkasing mokatawa.


Copyright © 2012 by Nhejzheen

My Love For You

My Love For You
2006

My love for you
Is as Xanadu
Where the river's
So quiet yet hovers
The whisper of sound
From the underground.


Copyright © 2012 by Nhejzheen

Mystery Dream Lover





My Mystery Dream Lover

2008

I dreamed of you;

You were all over me;

Your kiss so sweet;

It tastes like red cherries;

Your touch was great,

Filled with possibilities –

Even the sun

Could not raise its radiant heat.


Copyright © 2013 by Nhejzheen

Ikaw

Ikaw

August 14, 2007

Ikaw, hinungdan ni'ng gugma ko'ng hilabihan;

Ikaw ang hulagway nga gidamgo ko kadaghan;

Ikaw mao ako’ng yuta, tubig ug langit;

Ikaw ang simbahon ko hangtud sa kangitngit.

Ikaw, gipas-an ko’ng dugay na nga gi-antos;

Ikaw ang nagpusgay sa prinsipyo ko’ng bug-os;

Ikaw ang nilalang nga sa ako nakaako;

Ikaw, nagahatag sa kasubo ni’ng dughan ko.

Ikaw ako’ng kasakit; pod, ikaw ako’ng kalipay.

Ikaw ako’ng kamatayon; pod, ikaw ako’ng kinabuhe.

Ikaw ako’ng kangitngit; pod, ikaw ako’ng kahayag.

Ikaw ako’ng kapakyasan; pod, ikaw ako’ng paglaum.

Bisan pa man, taliwala niini'ng tanan,

Ani-a ako kanimo andam makig-uban sa kanunay

Paingon sa lapyahan diin ang gugma ‘ta natunhay,

Ug ang balod sa kapalaran, ugay-ugayon sa kahangturan.

Copyright © 2013 by Nhejzheen