Mensahe Ko



Kini ako'ng ipahinungod kaninyo'ng tanan, ilabina ngadto sa ka-Bisay’an ug kasadpa'ng bahin, diin kini'ng mga pulong nga ako'ng ginadulaan, ginatun-an, ginatuki -- maumol: mamahimo unta kini'ng handumana'ng tunob sa ako'ng kalampusan.

Nanghinaut ako nga ubanan ako ninyo sa pagtunob sa Yuta'ng Kaniadto-Karon, ug tabangan (hinaut) ako sa pag-agak niini'ng ako'ng mga lakang nga buot ko’ng makab’ot ang katuyo-an ug katumanan. Ayaw kamo pagmakuli sa pagbutyag sa kung unsa man nga anaa sa inyoha'ng salabutan. Ikalipay ko kung unsa man ang inyoha'ng ikasulti, ikasugyot ug ikatampo. Giaghat ko kamo'ng tanan! hanas man o puya pa sa pagbati'ng balaknon.


Ako'ng Hamubo nga Biyograpiya


N. [Nhejzheen (web name)] Fernandez nga sa pagkakaro'ng naminyo na: Mrs. Engel--natawo gikan sa mapinanggao'ng managtiayon nga si Gavina Rivera Mejos ug anhing Nemesio Cailo Fernandez--nahimugso sa Talisay, Nonoc Island, Surigao del Norte, Surigao City sa hinapos sa bulan sa Hulyo, tuig 1976. Sa karon ako nanimuyo, uban sa ako'ng pamilya, sa aminahang-kasadpa'ng bahin sa USA. Nakahuman ako sa kurso'ng BSBA: Marketing gikan sa Mindanao State University, Main Campus. Ang ako'ng hilig kay nagkalain-lain, ug susama pod usab kaninyo--nagpakatawo lamang: Himoon o sulayan kung unsa'y maatobang (alangan pod... depende lang)--aron masinati kung unsa gayud ang kinabuhe. Mahiligon ako sa musika, potograpiya, lomograpiya ug ang pagbasa sa mga balak ni Rupert Brooke, Sylvia Plath, Dylan Thomas, Milton, EAP, Robert Frost, Burns, kinsa pa? ug sa nagkalain-lai'ng basahon o literatura'ng gama gikan sa mga Bisaya'ng magbabalak o manunulat. Gawas niana, usa usab ako ka YouTuber nga nagdala sa ngala'ng "Nhejzheen": mang-aawit (kuno), gitarista (kuno) ug uban pa. Apan hinaut nga anaa'y inyoha’ng pagtugot sa padayag nga dako'ng gilauman ko nga mamahimo'ng usa sa mga inila ug bantuga'ng Bisaya'ng magbabalak--dili sa ngalan kon dili sa ako’ng mga nagama’ng balak ug sinulat--bisan man lang sa kinaubsa'ng ang-ang sa kinatibok-an. Malisod ug imposible nga makab'ot apan ako'ng sulayan, paningkamotan… 


2 comments:

  1. Dear Nhejzheen,I saw your post on Youtube titled "Fisheye ball of the world" Featured in the video was an old friend of mine named Bernard. We haven't seen each other in over 20 years and I am in touch with his son Darius who wishes to contact him. Is it possible to contact him or give me or Darius his address or location?
    My names is Joe James and my email address is: zkizz@sbcglobal.net

    ReplyDelete
    Replies
    1. Hi Joe! I just read this. I already have responded to Darius. Incidentally, I haven't seen Bernard for over two years now.

      Delete

Salamat sa pagbasa, higala. Ingna kuno 'ko kung unsa ang imo'ng ika-estorya. Ug suginli unya pod 'ko kung unsa ang imo'ng gusto'ng ipadayag o i-sugyot nganhi. Bililhon kaayo kanako ang imo'ng ikasulti. Palihug ayaw unya kalimot sa pag-JOIN ug/o SUBSCRIBE sa akong blog. Salamat kanimo, kababayan!

Mahinungdanon: Kung anaa man ugaling ako'y nahimo'ng sayop, typographically, o unsa ba dinha, i-awhag unya palihug ang ako'ng pagtagad. Dako kaayo'ng ikatabang ang imoha'ng pagsugilon, ug dugang pod usab kini nga mapausbaw ang ako'ng katakus sa pagsulat. Daghan kaayo'ng salamat!