Biay-biay sa Kinabuhe
08/09/2012
Anus-a pa man?
Sa unsang paagi
nga magaan o basin pa man
mahaw'ang kining akong gipas-an?
nga magaan o basin pa man
mahaw'ang kining akong gipas-an?
Nagmatud-anon man unta!
Mao ba kini ang tamparos
sa akong pagpangga, pinangga:
sa akong pagpangga, pinangga:
Dughan ko imo lang gidulaan;
Anak mo imo lang gipasagdan;
Kaugalingon mo mao’y naghari
sa kalibutan mo’ng wa’y pagbati?
Twitter, Facebook ug
unsa pa nga social network,
didto mo gitugyan ang tanan.
Gisangyaw mo ang ka-hawud
sa katungpagon mo'ng ginghari-an -
diin kanimo nag-sud'ong
ang paghinuktok sa kapikas
mo'ng nawad-an na ug pagsalig
sa imong gahum ug kusog
hinungdan sa imong mga tikas
nga kasikas nga sa imong anak,-
baliwala ug lumalabay lang.
Apan sa hunahuna, magapabilin
ang tunob nga siguro hingpit kini
nga masab'tan ngadto sa kadugayan
(wa kay nada nga pagka-amahan!)
(wa kay nada nga pagka-amahan!)
Dili ‘ko tuyo, apan mao man
kini ang imong gipangayo:
kini ang imong gipangayo:
sa mga kasakit nga imong gigasa;
sa mga pangandoy ta’ng nahagba;
sa mga tinuod mo’ng bakak;
sa mga Yawan-on mo’ng bahakhak;
haw'ason ko na ikaw!
haw'ason ko na ikaw!
sa panumdoman ko’ng naglatagaw,
sa kasing-kasing ko’ng nagdumili,
ug ngadto sa halawod ko ikaw ibuga
- kining nagdilaab ko'ng pagbati!
Copyright © 2012 by Nhejzheen
ug ngadto sa halawod ko ikaw ibuga
- kining nagdilaab ko'ng pagbati!
Copyright © 2012 by Nhejzheen
No comments:
Post a Comment
Salamat sa pagbasa, higala. Ingna kuno 'ko kung unsa ang imo'ng ika-estorya. Ug suginli unya pod 'ko kung unsa ang imo'ng gusto'ng ipadayag o i-sugyot nganhi. Bililhon kaayo kanako ang imo'ng ikasulti. Palihug ayaw unya kalimot sa pag-JOIN ug/o SUBSCRIBE sa akong blog. Salamat kanimo, kababayan!
Mahinungdanon: Kung anaa man ugaling ako'y nahimo'ng sayop, typographically, o unsa ba dinha, i-awhag unya palihug ang ako'ng pagtagad. Dako kaayo'ng ikatabang ang imoha'ng pagsugilon, ug dugang pod usab kini nga mapausbaw ang ako'ng katakus sa pagsulat. Daghan kaayo'ng salamat!