Isugilon Ko
June 11, 2012
Anaa’y sekreto.
Ayaw 'ko dudahi
Kay dili 'ni ako.
Saba, ayaw gayud!
Molugsot kang kinsang
Kalimotaw kini
Magusbat sa hangtud!
Baton ko’g higala:
Ang dila niya pula,
Taas ug talinis,
Motusok sa dughan,
Kasingkasing lumsan
Sa dugong mapula,
Pughaw, ug nagsumpay'ng
Pughaw, ug nagsumpay'ng
Puti'ng triyanggulo:
Kinaubsan mao
Ang iyang tinubdan.
Kinaubsan mao
Ang iyang tinubdan.
Kini’ng higala ko,
Mata n'ya Langitnon,
Nindot, madanihon;
Sa totok, bulak na’y
Dahon, di' tunokon,
Malarag, mataktak
Sa da'n Kasaypanan
Paingon - (ug kini
g'yud paga-angkonon.)
g'yud paga-angkonon.)
Ug nasayod ka ba,
Kasingkasing itum,
Pula ug balangaw -
Humot kung mobirig:
Mopasakit s'ya, ug
Mopalipay-lipay
‘Sab sa kundatan nga
Ulagan nga suud,
Silingan ni Kuan,
Palahubo’g hubog!
Copyright © 2012 by Nhejzheen
Copyright © 2012 by Nhejzheen
No comments:
Post a Comment
Salamat sa pagbasa, higala. Ingna kuno 'ko kung unsa ang imo'ng ika-estorya. Ug suginli unya pod 'ko kung unsa ang imo'ng gusto'ng ipadayag o i-sugyot nganhi. Bililhon kaayo kanako ang imo'ng ikasulti. Palihug ayaw unya kalimot sa pag-JOIN ug/o SUBSCRIBE sa akong blog. Salamat kanimo, kababayan!
Mahinungdanon: Kung anaa man ugaling ako'y nahimo'ng sayop, typographically, o unsa ba dinha, i-awhag unya palihug ang ako'ng pagtagad. Dako kaayo'ng ikatabang ang imoha'ng pagsugilon, ug dugang pod usab kini nga mapausbaw ang ako'ng katakus sa pagsulat. Daghan kaayo'ng salamat!