Wednesday, March 13, 2013

Lamat sa Lang'og nga Buswak sa Gugma'ng Tikasan

                             Photograph by W.E. (my husband)
Lamat sa Lang'og nga Buswak sa Gugma'ng Tikasan

 March 4, 2013

Niabot ikaw aron mobiya;
Buot mo’ng su’ng-on kini’ng galamhan;
Kuyogan ako’ng mag-inusa-ra;
Magpanuktok ka sulod ni’ng dughan
--Daw panaad nga dili talikdan;
Sapnayon paingon ngadto’s langit;
Pandungan sarang kapanganuran;
Dad’on sa himaya sa kangitngit;
Dayon ako! -- ako nga idalit
Gayu’ng pagbati nga wala’y sukod:
Malawom, makusog ug mainit
--Daw managtaghoy ngadto sa hangtud
--Diay sa lamat mo mabilanggo
Ang kini’ng kalag ko nga nagbakho.

Copyright © 2013 by Nhejzheen



------------------

"Lamat sa Lang'og nga Buswak sa Gugma'ng Tikasan" is a sonnet written in Spenserian form.

7 comments:

  1. nice..1 puyde ko himoan nimo ug balak..about first romamce?

    ReplyDelete
    Replies
    1. Salamat kaayo sa imohang gikasulti. :)

      Oo, mosugot ko nga himoan ka nako ug balak, apan sa ubos nga kondisyon: sa kani ra nga higayon. Ug para mahatagan ko ikaw sa imoha'ng gipangayo, gihangyo ko pod ang imoha'ng kooperasyon, pinaagi sa paghatag nimo kanako ug background kabahin sa imoha'ng "first romance". Hatagi 'ko ug mapait, maaslum o mapait nga detalye--bisan unsa! Hatagi ko ug klaro nga hulagway.

      Delete
  2. nindot kaayo ang imung mga balak maam.. makahinumdom nuon ko sa kaniadto sa gamay pa ko ampay kaayo naku ang pagbasa ug "Binisaya" nga magasin.

    ReplyDelete
    Replies
    1. Salamat! Maayo kay imoha'ng nagustohan. :) Naa diay Binisaya nga magasin? Wala man 'ko kabantay. :)

      Delete

Salamat sa pagbasa, higala. Ingna kuno 'ko kung unsa ang imo'ng ika-estorya. Ug suginli unya pod 'ko kung unsa ang imo'ng gusto'ng ipadayag o i-sugyot nganhi. Bililhon kaayo kanako ang imo'ng ikasulti. Palihug ayaw unya kalimot sa pag-JOIN ug/o SUBSCRIBE sa akong blog. Salamat kanimo, kababayan!

Mahinungdanon: Kung anaa man ugaling ako'y nahimo'ng sayop, typographically, o unsa ba dinha, i-awhag unya palihug ang ako'ng pagtagad. Dako kaayo'ng ikatabang ang imoha'ng pagsugilon, ug dugang pod usab kini nga mapausbaw ang ako'ng katakus sa pagsulat. Daghan kaayo'ng salamat!